出爐鐵

衝擊！

2011-08-10T03:56:00.000-07:00

哇，發覺部落格真的發霉了！

忙碌的生活真的可以把一切東西都拋諸腦後

當然有些東西應該忘記的一定要徹底的忘了

可是往往一些重要的東西也給漏掉

生活固然每天都是從醒來的晨曦開始

在忙碌的夕陽結束

一天的勞作無疑是重複的動作

可是卻學到很多

充實了自己的今天

為往下一個步伐啟程

沒有人可以更加的勉勵自己

因為每一天活著是更有意義的象徵

最近發現收藏了好一段時間的動畫

發現了這個。。呵呵

每次重複的細聽這首歌曲

都有一種特別自在的感覺～

心情就是要隨風飄蕩

三不像

2011-08-10T03:27:00.000-07:00

最近lomograpghy也出產了不少新的產品。最奪目耀眼的還算是這一部吧！你說它是玩具是也，相機也行，還是罐頭食品？沒錯它就是那麼三不像。說是食品也不太過，因為每出一款新相機都猶如lomo人的精神食糧。

新鮮不在話下，外觀別有風格看了也愛不釋手! 相機本身支持35mm膠卷含有特製廣角鏡頭，外置Fritz the Blitz閃光燈。共有四款選擇，而且顏色都很新鮮的搭配，暑假把它帶出街一定引起不少路人的目光～

忘了說這也是一款陽光機，如果想拍出更好的效果建議烈陽下使用。如想拍拍室內情懷試試高ISO膠卷搭配，效果會明顯有勁～

左一Fischers Fritze
左二Sea Pride
右一El Capitan
右二Marathon

趁著港幣下滑..相機價錢大概港幣788相等於馬幣305，算起來還不貴！

你看不到的天空

2009-12-02T02:50:00.000-08:00

觸摸感覺不到仿佛就圍繞著你身邊

遼闊遙遠你看不到的天空

廣告與遐想

2009-11-05T03:32:00.000-08:00

廣告的成功與否在乎其焦點目光，既然已經可以做到令人有刻骨銘心的感覺，沒有理由抹殺創作份子的用心。當然廣告概念做的好，不代表勝于一切。就好像最近鬧的熱血沸騰的寬頻廣告【你割左未】，題材和概念不錯可是卻引來民間的大反彈。

說的是圍繞著與道德上的沖突和侮辱女性的課題，站在一個純粹看廣告的立場沒有什么不妥，覺得這廣告很巧妙的運用低俗而又不失搞笑得呈獻在消費人的眼前。好的廣告難免帶了一點遐想，讓人看了想入非非，這代表訊息是成功的停留在你腦袋，那怕只是那短短的幾分鐘。廣告與遐想往往只是一線之差～

2012末日預言

2009-11-01T05:54:00.000-08:00

[2012末日預言]是導演Roland Emmerich繼明日之后再打造的驚世災難片。雖然還沒上映，不過可看度絕對不能小覷。電影里頭飾演學者的John Cusack設法阻止瑪雅歷法預言的世界末日發生，全人類攜手對抗這場絕世浩劫的降臨。

根據歷法，地球已歷經四個太陽紀，而每一紀結束之時，均會發生全球性的大災難。我們現在正在處于第五太陽紀的末期，瑪雅歷法預言第五太陽紀將於2012年12月21日前後結束。意味著世界末日將離人類的不遠處。

看了很多的災難片，覺得電影的片段雖然不是事實。但是絕對是有帶出人類防范的意識，畢竟沒有人能夠對世界末日作出任何猜疑或判斷。不過什么瑪雅歷法又好，全球变暖也罷。或許在這一天的降臨，身為人類的你最想做的事情又是什么？

殞落

2009-06-25T21:50:00.001-07:00

由黑到白風采依然一顆殞落的星

3GS華麗登場

2009-06-10T03:31:00.000-07:00

如果講一部能夠貼近人性化嘅手機，蘋果iphone絕對係市場上首屈一指嘅選擇。隨著新一款iphone 3GS嘅推介熱潮，時下每個年輕男女都深入研究到底佢個功能有幾雀躍。iphone 3GS(S:Speed)係繼iphone 3G之後嘅最新版本，講求嘅係操控速度以及多功能為主。經過發布會資料所提及，馬來西亞將于7月同其他亞洲國家如香港，新加坡等同步發售。至于價錢方面16gb售美金199，而32gb為美金299。知不過經過明訊配套(maxis)嘅洗禮後，價錢絕對係會能人嘩然以及頗受牽制..哈哈

先睇一下呢部智慧型手機嘅最新功能短片：

至于iphone 3G用戶依然可以通過6月17號全球發布嘅firmware 3.0免費更新。更新目錄與功能如下:(注:ipod touch用戶需要另外繳付美金9.95作為更新費用)
- iphone３.0主要更新，100+新功能
- 橫式鍵盤可在電郵、Notes 及短訊功能內
- Copy/Cut/Paste/Undo 功能可在所有程式內使用
- MMS可接收及發送照片、聯絡簿、音響檔案及位置
- 搜索功能及Spotlight
- 可在iphone上購買或租借iTunes內的影片、電視剧、及音樂。
- 支援 Parental Controls 及 Internet Tethering 功能(透過USB或藍芽)
- JavaScript在iphone上的Safari有3倍快速
- 自動填寫功能於Username、Passwords、聯絡資料
- 支援HTML5格式；更多的語言
- 超過100+新API功能如In-App Purchase；Peer to Peer Connectivity
- 開發者現在可以內置Google Maps功能.
- Push Notification功能如Pop-Up Alerts、Sounds及App Icon Badges

發布會花絮

快鐵在我門口

2009-06-04T22:09:00.000-07:00

如果講一個發達嘅地區總離不開完整嘅交通設施一點都不為過。有完整嘅交通就可以令人民通行無阻，去咩地方都咁方便。毫無疑問，以上講嘅都唔係在馬來西亞可以睇到嘅情況。如果你要在雪隆地區活動，不但會面對嚴重嘅交通柱塞，甚至乎想逃過車龍轉去搭公共交通工具嘅理由都沒有。皆因本地嘅公共交通設備水平處于十分落后狀態。

在2000年嘅今日好多先進發達國家已經不再依靠汽車代步嘅習慣，佢地嘅人民能夠享有一流嘅公交設施。簡單嚟講每個人只有係步行到外通過公共交通工具，如快鐵，火車，甚至乎巴士就能夠南上北下了。舉例..日本嘅東京市係世界上最繁忙嘅城市之一，人口也處于十分頻密狀態。如此嘅一個大都市公共交通規劃方面絕對稱得上係完整無缺。

在東京大街上只要係口袋有零錢絕對唔怕會有去唔到嘅地方，反之在我國設備唔完整之余甚至乎有錢也寸步難行。歸咎到底係馬來西亞人從來沒將公共交通嘅課題嚴厲睇待，十年前如此，十年後也係如此。

馬來西亞有輕快鐵系統，背負著雪隆一帶上班族嘅使命。簡單嘅路線圖可以清晰察覺原來有好多地方係想去卻去唔到的，如，雙威鎮，梳邦鎮, 蕉賴鎮, 蒲種鎮, 以及白沙羅鎮。呢d地方都係人口頻密而且充滿商機嘅地方，點解到咗十年後嘅今日才突然發覺應該將呢d地方都納入輕快鐵到達嘅路線呢？落后之舉好明顯呼之欲出了。你都咪話唔信？睇下你咪知分別囖～
頻密嘅東京快鐵路線圖，好明確嘅指示沒有任何到不到嘅地方～

相比之下吉隆坡嘅路線圖係如此疏離，原來我國嘅公交設備系統係咁簡單又膚淺。

日本子彈火車，速度极限最高时速405公里。型哦～！

紙蛋火車..

一年的中旬

2009-05-29T07:07:00.000-07:00

隨著端午節的過去，同時也感到時間的流逝。這也意味著半年已經過去，真係眨眼之間嘅事情，原來已經來到了2009年的中旬。

盡管能夠按著漏斗的流沙，卻不能將時間慢慢的停頓下來。是否每個人都覺得時間真嘅過得好快。。好快。。

s i a

2009-05-20T06:09:00.000-07:00

來自澳洲，阿德雷德嘅女創作型歌手sia(斯亞)。係最近本人留意到嘅一把好聲音，聽耐咗仿佛有D似90年代初期嘅the cranberries樂團裡頭嘅主音dolores(咽音)，就係剛中帶柔加懶音好重嘅果種。sia原名sia furler，唔算係商業型歌手皆因佢大部分專輯都保有強烈嘅個人風格，呢D係時下歌手好難揾到嘅音樂元素。

佢对音樂竅門好有自己嘅想法，總嘅嚟講本人都係比較喜歡佢果把有D慵懒卻散漫發着淡淡嘅爵士味道..聽咗真係有種好舒適嘅感覺。sia其實發行嘅專輯真係唔算多，以下係佢在08年發行嘅最新專輯目錄(some people have real problems)。裡頭有好多唔同類型嘅歌曲風格..我就係從呢張專輯開始認識佢一把很實在，不加修饰嘅聲音。*雖然有D聽唔明英文歌曲，不過欣賞佢一把好聲音..haha

本人都幾喜歡呢首academia，感覺好輕快～

專輯曲目：
　　1. Little Black Sandals
　　2. Lentil
　　3. Day Too Soon
　　4. You Have Been Loved
　　5. The Girl You Lost To Cocaine
　　6. Academia
　　7. I Go To Sleep
　　8. Playground
　　9. Death By Chocolate
　　10. Soon We'll Be Found
　　11. Electric Bird
　　12. Beautiful Calm Driving
　　13. Lullaby

風(吹)水的觀點

2009-05-06T05:11:00.000-07:00

經濟不景，接二連三嘅裁員風氣一浪接一浪。咁惡劣嘅環境下揾啖晏食认真唔容易，就係因為種種形勢對自己不利...好多人選擇去參透呢句说话嘅含義“一命，二運，三風水”. 人嘅命運係掌握在自己嘅手裡頭，不過依然仲有成千上萬嘅人抱怨自己D生活條件與素質..到底係人對欲望被沖昏了頭脑抑或係天生就懷有貪婪嘅念頭呢。

時常都期望運氣永遠企在自己嘅身旁，就在適當嘅時候會籍此使用周邊嘅林林總總去幫助自己趋吉避凶，專研風水真係咁有幫助咩？我唔否認，但也唔完全嘅去認同。畢竟呢D係一種bonus 或彌補精神嘅寄托, 為自己嘅家居擺設，甚至乎改名換姓層出不窮都能夠幫助自己改改運气。經過咗風水嘅角度去睇事情往往都會讓人覺得好樂觀，也令一個人产生推動力...信則好，唔好盡信就係我個人嘅觀點。

P/S 雖然經濟不景氣當中，意外察覺原來風水師係最賺錢嘅行業之一，畢竟有錢人信死佢；窮人也想揾佢幫個忙改改運氣。

Departures

2009-04-26T21:59:00.000-07:00

每个人都会成为送别之人同被送别之人。一部描繪生死呢一普遍性主题嘅电影，它诉说着骨肉之情、夫妻之爱、朋友之义以及对工作嘅熱誠，俾人带来一份别具一格嘅感动。

《入殓师》一部由泷田洋二郎執導，本木雅弘與广末凉子領銜演出算係最近口碑唔錯嘅日本電影，而且仲得到唔少獎項。故事情節描繪大提琴手小林大悟面臨生命中失業嘅低潮到失去工作，然而卻無心插柳嘅找到一份真正體驗人生嘅苦差。

入殓师或許會俾人產生一種模糊而詭異嘅工作，當睇咗呢部片會覺得係一份神圣嘅差事。故事中嘅主角從開始嘅抗拒到漸漸喜歡上呢份工作，從中係經歷好多人生哲學與生死觀念。

觀後感好讓別人意識到職業係無份貴賤，只要係熱愛自己嘅工作就算係一份苦差也會抱著一種享受嘅態度去完成。一個人面臨著低潮或許係人生嘅另外一個起跑點。

熱。沙灘與菲林

2009-01-12T07:12:00.000-08:00

早前在檳城老母展嘅最后行程, 在batu feringgi 謀殺菲林的最后沖刺..(相隔兩個月終于有錢develop~) 第一次咁熱嘅天氣下又咁都人一齊shooting, 認真有趣～雖然影得唔係幾好..呵呵

葉問（民族情緒篇）

2009-01-06T01:40:00.001-08:00

葉問，一部以傾述已故一代宗師嘅武打電影。由武功了得嘅殷子丹掛帥，可睇程度都唔洗點多講喇～無論係武指與動作（洪金寶）都係咁揮灑自如，睇到眼都幾乎凸鬼晒。正如其它武術電影一樣，除了武打方面要講究也少不了注入些少民族情緒。

何謂民族情緒? 就係當你睇到我地中國人個拳頭一捶一捶咁wui向d日本仔（係咪咁抵打？），就算係短短幾幕都覺得莫名興奮。全因觀眾想睇嘅純粹唔係武打電影咁簡單，換言之睇到拳拳到肉之余也可以感受到中國人自強不息嘅氣息，帶點激勵效應！

電影里頭唔算完全傾述葉問嘅真實故事，簡單嚟講純屬有點虛構。或者編劇太著重主角打得絲毫無損而忽略了觀眾猶如觀賞一部如同marvel comic d英雄咁鬼死犀利（一個抽十個？群拗你都死喇～）。任何完美嘅事與物都有其長短之處，我相信就好似睇電影一樣..唔會幕幕都係高潮，評價嘅好與壞都係見仁見智～

近打1881

2008-12-19T01:11:00.000-08:00

唔知道你最近有冇留意一部屬于本地制作嘅武術電影“近打1881”。聽講呢部電影獲得嘅評價唔係幾理想，皆因真係有d所謂“上車”嘅感覺。抱住支持馬來西亞電影嘅心態，都不妨可以買飛入場支持下..之不過睇完就唔好呻嚄！整部電影剪接同故事都缺乏流暢感，武打方面還可以有更進一步嘅空間，如果要同香港武術電影相提并論真係仲要花上好幾十年嘅功夫喇～

導演係以拍MV為主嘅何志良領軍，毫無疑問整部電影節奏流程真係有d猶如穿插在MV里頭。至于演員與演技方面都算還可以接受。雖然有加插d咁多電腦動畫襯托，卻有些少令人覺得有弄巧反拙嘅感覺.. 其實拍一部電影的確唔容易，更何況係一部以武打為主題嘅電影就更加要講求節奏感。

不過無論如何都係馬來西亞電影里頭嘅新穎嘗試，惡評如潮嘅同時都應該要俾多d鼓勵同埋支持，咁樣更好嘅作品就會呼之欲出～

老母展

2008-12-16T19:42:00.000-08:00

早前老母展覽在檳城內舉行，有唔少來自全馬各地lomo喜好者參與其盛。整個流程就係圍繞著喬治市區內邊行邊影，無論係建筑物同檳城人生活動態都係咁鬼有味道。檳城可以話絕對係一塊攝影者嘅好去處，沿途街道上可以睇到唔少古跡廟宇以及當地人淳樸嘅生活方式。

一行lomo攝影人勢行將當日所攝到嘅照片擺放在畫廊里頭供公眾欣賞，當晚氣氛相當唔錯，人潮涌現之余仲可以欣賞迷你音樂會。此行真嘅好豐富，可以見識到唔少資深lomo攝影者對純藝術嘅專業態度，以及佢地嘅lomo精神“don't think, just shoot”讓我對lomo呢門另類攝影有更深一層嘅認識。p/s start luvin' penang, the lovely place ever~!

丹绒士拔

2008-12-15T23:56:00.000-08:00

適逢十二月假期特別多，唯有乘著機會周圍揾下食！呢次嘅行程係去雪州境內一日游，由熟悉當地d親戚朋友帶路途徑万津、摩立、丹绒士拔、双溪比力黄金海岸，探讨雪州地方自然生态。

不過難得假期去郊外行下都不塊係打發時間嘅好方法。整個行程就係以參觀灵芝园、食闻名遐迩海南包、叫化雞之類，查實同d稽英團冇咩分別。雖然d嘢食還算唔錯，最難得嘅係已經好耐冇真正嘅一家人咁去郊游...好撩唔好撩係其次，放松心情係最重要～

gia gia kua kua

2008-12-08T23:31:00.000-08:00

pay a visit, givin' a warmly support to the gorgeous penang island & the society of lomography malaysia.

陌生國度

2008-12-05T09:32:00.000-08:00

從前好羨慕他人能夠背著個背囊去自己響往嘅國度。雖然漫無目的咁去行，從來都唔知道前面個旅程會係點樣。一路上徒步..相信每一位背包客都有相同嘅目標，就係能夠將腳步伸延至所到之處。但求曾經到達過一個陌生國度，享受d新鮮事物，往往都好比你睇上千萬本書本要好。

當一個背包客，先決條件認真唔容易。能夠適應任何惡劣環境，克服語言上嘅障礙，抵受變幻莫測嘅天氣..想敢敢去跨出第一步都需要好大嘅勇氣。簡單嚟講真係談何容易啊～皆因如此，我本人對任何背包客都有萬二分嘅敬意..佢地的確能人所不能。

有陣時自己真係好想去探索d神秘國度，發掘d未曾睇過嘅事物增廣下自己d見聞。不過每當攤開張地圖嘅時候，發覺世界真係好大..短短人生幾十年，你又能唔能夠好似d背包客咁踏上一條神秘又難以探索嘅道路..向世界出發呢？

170小嘗試

2008-11-25T04:11:00.000-08:00

經過數日拍攝終于完成第一卷魚眼，

從170度睇世界d感覺完全係不用質疑..

感覺好似視線廣闊許多～

貼得越近，樂趣越高...

第一卷雖然效果唔係幾理想，

都不愧係一個新嘗試嚄...

體驗一下玩具相機為你帶來嘅樂趣!

單調？

2008-11-21T06:11:00.000-08:00

今日終于收到從香港空運過來嘅魚眼相機二代 (fisheye2)，
效率認真高，訂貨至送貨日期祗不過係短短嘅三日..
香港人辦事效率亦真夠快！

換句話嚟講可以體驗一下魚眼帶來嘅樂趣，
剛上手真係感覺有d唔慣
可能已經習慣了外形比較死板嘅holga呱～
接下來拍d嘢就唔會咁鬼死單調..

講真嘅竟然短短半年內敗咗兩架lomo相機..
感覺真係有點愕然..
可能已經毒到病入膏盲嘅現象
敗家雖然夠恐怖..but film is never die!!!

另類看世界

2008-11-20T22:07:00.000-08:00

色盲..定義在眼睛與繽紛色彩完全的脫節。
有時候在想，如果一個人活在色盲世界里頭..
生活的點滴又會變成了什么模樣？

從單一顏色看世界真的和平凡人看的都不一樣嗎？
我相信那會真的清除了許多雜念，想的東西可以更單純..
卻錯過了彩虹的自然美，錯過了用眼睛享受的一切..
顏色總離不開生活.. 活著是在為生命增添更多的色彩..
另類看世界空間是可以更跨越視線的范圍~

*p/s 唔好誤會，本人冇患上色盲

四分鐘廣告

2008-11-09T07:37:00.000-08:00

時間就係金錢，何況電視廣告係分秒必爭既平臺。四分鐘，或者可以當係一部短片黎欣賞。

真情流露

2008-11-07T21:24:00.000-08:00

童真是摄影的最好题材，

鏡頭下沒有任何修飾..

流露最自然的點點滴滴..

虽然短暂却是充满回忆..

天真爛漫..

每一步一脚印..

随着燦爛笑容而成长..

勁毒lomo經！

2008-11-07T04:26:00.000-08:00

終于買到呢本“就是愛lomo”書籍，里面特寫好幾部經典lomo相機。雖然本書唔係話好厚，不過勝在略為精簡咁去介紹，讓我對lomo相機有更深一層嘅認識。當然除了閱讀書籍意外，親身去體驗係無可厚非啦！可惜暫時祗得一部holga..搞到鬼死咁冇癮！

嗯，當未認真去接觸LC-A之前，想再深入咁去研究..所以最近再留意到另外一本可以講係專注LC-A報導嘅書籍 “The Lomo Book”，售價差唔多係馬幣90蚊。整體內容睇落都唔錯..kino應該有賣呱～

老母進行曲

2008-11-04T03:28:00.000-08:00

就是愛lomo! 最近留意到一本算係唔錯嘅lomo入門書籍。佢不但記錄d簡單入門技巧，而且有介紹唔少不同類型嘅lomo相機，睇到我眼都大埋！幾乎忍唔住要去kino掃翻一本，售價祗係馬幣52蚊！書里頭不但有簡單lomo入門方法，而且好具體featuring唔同種類嘅lomo相機，例如想玩下四格，八格，超廣角度，或者係顛覆色彩都應有盡有..感覺真係鬼死咁盞！

最近真係超想買翻部LC-A ，點鬼知去folio & room 睇都已經賣到斷市！真係咁鬼死多lomo腳咩？？之前玩開部holga認真係玩上癮喇！不過就鬼死咁麻煩要自己調動菲林，好話唔好聽一個唔小心就會搞到d相片重疊晒。睇嚟都係時候要嘗試下更有挑戰性嘅LC-A喇！或者你會覺得點解好哋哋有部dc唔用，要去嗮d咁嘅錢沖印菲林嚄？皆因lomo嘅特殊影像同意念，可以完全表達出與眾不同嘅影像表現！

順便俾大家認識一下lomo family, 睇下佢哋d盞鬼功能！

a. LC-A (LC-A+)： LOMO傳奇的經典相機
b. Holga：最簡易、最多樂趣的的120相機
c. Smena 8m：完全手動的入門LOMO相機
d. Fisheye：世界最便宜的魚眼相機
e. Super Sampler：如同四格電影般的超有feel相機
f. Action Sampler：動態的田字遊戲機
g. Colorsplash：玩弄光影與顛覆色彩的相機
h. Frogeye：水下四米也要LOMO

i. Horizon：超廣角的無限魅力
j. Oktomat：讓你動起來的八拍

*收藏中 *期待中

品牌標志

2008-10-23T22:16:00.000-07:00

標志係遠古以來一種對某些事物嘅定位與靈魂所在。一個成功嘅標志能夠讓人留下印象同時也可以建立品牌嘅知名度。成千上萬嘅標志不在話下，能夠突圍而出都算係一件難事。有d設計簡單不過俘虜不少盲目嘅支持者，甚至乎標志係查毒人心理嘅一種催情作用，唔理會產品性質..我買既係佢個品牌標志，你吹我唔漲。

向泰國廣告致敬

2008-10-21T08:52:00.000-07:00

如果一個平面廣告能夠輕易俘虜每個人的目光，就算產品熱唔熱賣都已經係成功左一半。好多人講東方人思想古板守舊，難以在廣告策略上大刀闊斧。不過我就從來唔會低估亞洲人對廣告嘅熱誠，然而馬來西亞呢一個充滿保守國度嘅國家當然係好難讓你感受平面廣告帶來嘅樂趣..久而久之就抹殺或者埋沒了好多為了廣告而奮斗的一群。

遠嘅唔講，泰國d平面與電視廣告絕對係稱得上幽默與滑稽而自成一派。相比在馬來西亞做廣告會面對甚多嘅限制，無論你有幾盞鬼嘅創意都祇係徒勞無功。本人十分欣賞泰國d廣告創作群，無論從任何角度都具有一定嘅可看性，讓你留下深刻印象。

一個國家如果有新聞與媒體自由，重視人權，尊重人民知識權利絕對係能夠讓廣告策略上幫上一大忙。就講國油(petronas)每年嘅華巫佳節廣告都離唔開d乜乜溫情牌橋段，我相信馬來西亞廣大市民都睇到嘔白泡！發揮空間少之余又缺乏趣味性，呢個就係馬來西亞廣告嘅特質。如我有講錯歡迎矯正！！

明爐暹蒸紅棗魚

2008-10-19T01:27:00.000-07:00

尋晚與朋友到吧生batu pelah當地一家中暹菜館食晚飯。如佢地所講呢家飯店係以招牌蒸魚在當地略有名氣，真係每一圍臺都奉旨必點嘅拿手好菜。其蒸魚嘅手法有別于其它人，因為係用長碳慢慢咁去蒸..所以依然可以保持食物嘅新鮮度。就地order咗一拓名為"明爐暹蒸紅棗魚", 在旁備有一大碗暹式阿三湯底供淋上個蒸魚盤，以免時間過耐而燒焦。其賣相尚算唔錯，畢竟d酸辣味道(暹式)蓋過魚味..但係佢d蒸魚方式都算幾特別。蒸魚材料方面都係采用d干辣椒，姜絲，蒜頭, 咸菜而成，酸酸辣辣味道都幾扯飯ge..haha

适耕庄

2008-10-18T01:50:00.000-07:00

适耕庄（sekinchan) 係坐落于雪州北部以农业發展而聞名的观光景点，早前去當地一游感覺上的確係有別于城市人的生活環境。一大塊嘅稻田令人有一種一望無際嘅感覺，朋友話如果當地適逢年中d稻米會生長得更加壯觀。之前睇過好多lomo客都有在适耕庄取景，如今我親身感覺真係比想像中更有大自然嘅美感..絕對係你老母好去處。

可惜當日陰天細雨，就算帶咗幾多菲林出街都係派唔上用場。繼參觀咗壯觀嘅稻田後，下午就到鄰近d老舊餐室進食..晚上就食适耕庄出名嘅海鲜，魚蝦蟹之類。感覺上都會比平時食果d新鮮些少, 整體都算唔錯ge。佢地話當地海鮮價格相宜，其實都咪就係差唔多..呵呵

我的中文價值觀

2008-10-15T06:32:00.001-07:00

中文係被世界公認為最難學習嘅語言之一。如今中國經濟崛起，更加使中文的價值推上另一個高峰。以往世界各地，無論任何人也渴望可以學習英文，對中文亦談不上有任何興趣。如果講語言係一個國家成功嘅特征，我絕對覺得係無可否認嘅事實，如20世紀90年代風靡日文延至近代韓文嘅崛起正確反映一種超越民族與文化嘅影響力。

認識中文真係可以占有優勢? 我唔敢輕言判斷，不過如果身為華人唔識中文絕對係一生中嘅遺憾。馬來西亞政府雖然不曾打壓中文，不過國內依然有無數華人不諳中文。究竟佢地係咪真係對中文抱有芥蒂，抑或覺得失去自己本身語言文化覺得毫無所謂？

雖然本人中文造詣唔稱得上係ok, 不過我覺得能夠聽辨，不時講d唔係幾流利嘅中文已經係好足夠。遠比一d連自己姓名都寫唔出，連用中文粗口問候佢都唔知發生乜野事嘅香蕉人好得多，哈哈！

超細的體驗

2008-10-11T23:36:00.000-07:00

超細的體驗？如果唔講你都唔會留意到，

原來DC都可以咁細ga嚄!
最近網上購買了一部超細DC，聽講日本，

臺灣都幾流行！

呢部DC叫VQ1005 (全名Vistaquest)，

基本上配件與質感都算麻麻地，
不過勝在夠輕易攜帶, 隨時隨地都能夠進行拍攝。

如果你有邊行邊影嘅習慣，都不妨可以買嚟玩下ge..
價錢方面大概係馬幣約120-150不等，

暫時都祗有在網上投標購得。

唯一不滿係唔可以事先preview，

同埋d電池好快就玩完（1顆AAA電池）。
雖然1.3MP唔稱得上大雅之堂，

不過整體都唔算太差嚄!
因為一分錢一分貨，哈哈！

建議想玩Lomo，但係又想悭钱嘅朋友認真可以考慮,

因為據網上報導佢可以get到輕微Lomo濃郁色調....

(*以上圖片顯示係combined魚眼，效果出乎意料..相當唔錯ga!)

老母

2008-10-11T22:21:00.000-07:00

颜色浓郁一向以来都係Lomo相片独特之处，

而且带有暗角..感觉神秘又有趣。

除了需要掌握光线度，也好講求timing...

有时候d效果真係令你有意想不到，眼前一亮ga!

有人话lomo相片係冇好坏之分，

因为唔同既人永远都有佢自己拍摄嘅手法。

玩上lomo已经有一段日子啦！终于有一幅属于自己嘅Lomo墻。

虽然d效果唔称得上好掂，不过勝在全部都係凭自己d感觉去影ge..

當全部相片堆埋一齋，感觉会更加另类...